Дзіцячая пісьменніца Тамара Бунта

 

13 мая госцем ДУА "Сярэдняй школы № 17 г. Барысава" стала знакамітая пісьменніца Тамара Пятроўна Бунта. Тамара Бунта - аўтарка дзіцячых кніг “Сад з матылькамі”, “Дзяўчынка з вішневага завулка”, “Чароўны кошык” і інш. Сустрэча была арганізавана сумесна с ДУК "Барысаўская цэнтральная бібліятэка імя І.Х.Каладеева".

На сустрэчу з пісьменніцай школьны бібліятэкар Івашкавец Людміла Паўлаўна запрасіла вучняў 3-4 класаў. Бібліятэкар падрыхтавала кніжную выставу, дзе былі прадстаўлены матэрыялы, пра творчасць і жыццё пісьменніцы, таксама быў распрацаваны QR-куб па творам.

Тамара Пятроўна прэзентавала свае кнігі, якія вельмі зацікавілі дзяцей, праверыла вучняў на кемлівасць з дапамогай мудрагелістых загадак пра літаратурных персанажаў. А самым цікавым стала чытанне пісьменніцай урыўкаў з сваіх кніг.

  Вучні таксама адказна падрыхтаваліся да сустрэчы: чыталі цікавыя апавяданні, а яшчэ парадавалі шаноўную госцю сваімі малюнкамі і рознакаляровымі матылькамі.

Творы Тамары Пятроўны дзеці прымаюць блізка да сэрца, бо піша яна пра сваё маленства, пра дзіцячыя перажыванні і ўспрыманне акаляючага свету. Пра гэта сведчыць тое, што пасля сустрэчы ўсе кнігі Тамары Пятроўны, якія маюцца ў бібліятэцы, былі разабраныя дзецьмі дадому.

 Сустрэча прайшла цікава і пазнавальна. Усе жадаючыя змаглі атрымаць кнігу з аўтографам аўтара.